1860-ல் ஏப்ரல் 1 அன்று லண்டன் நகரவாசிகளுக்கு ஒரு அழைப்பு சீட்டு பிரசுரிக்கப்பட்டது.அதில் “லண்டன் கோபுரத்தில் வருடாவருடம் நடக்கும் வெள்ளை சிங்கங்களை குளிப்பாட்டும் நிகழ்வு நடைபெற உள்ளது.மக்கள் வெள்ளை கதவு வாசல் வழியாக மட்டுமே அனுமதிக்கப்படுவர்.”

Tower-of-London

அன்று மதியமே கட்டுக்கதையை நம்பி மக்கள் அனைவரும் திரளாக சென்று வெள்ளை கதவின் வாசலில் காத்திருந்தினர்.பின்னர் அவர்கள் முட்டாளாக்கப்பட்டனர் என்பதுமின்றி பல வருடங்களாகவே அங்கே சிங்கங்கள் வசிக்கவில்லை என்றும் உணர்ந்தனர்.

முட்டாள்கள் தினம் வரலாற்றில் இதுபோன்று பல நிகழ்வுகள் மக்களை வெறுப்பேற்றி வேடிக்கை செய்துள்ளன. கூகுள் இதற்கு மணிமகுடம், வருடாவருடம் ஏதாவது ஒரு புதிய திட்டத்தை அறிமுகபடுத்தி மக்களை ஏமாற்றி கொண்டே இருக்கிறது. 2016 ல் ஸ்டான்ட் இல்லாமல் நிற்கும் சைக்கிள் திட்டம் ஒன்றை வெளியிட்டது. அது பொய் என்று சொன்ன பின்னும் மக்களால் அதை ஏற்றுக் கொள்ள முடியவில்லை. பலர் விரக்தியால் புகார் கூட செய்தனர்.

நம் நினைவில் இருப்பதோ பள்ளி காலத்தில் நண்பர்கள் ஏமாற்றி விளையாடிய சம்பவங்கள் தான். ஏப்ரல் மாதம் தேர்வுகள் நடைபெறும் என்பதால் சட்டையில் மை இருக்கிறது என்று தொடங்கி விதவிதமான கேலி விளையாட்டுக்கள் செய்து 90’ஸ் கிட்ஸ் ஆக கொண்டாடிருப்போம்.

ஆனால் இவையெல்லாம் எங்கிருந்து தொடங்கியது? அதற்கு பல விளங்கங்கள் உள்ளது.

பொதுவான கருத்து பிரென்சு நாட்டில் தொடங்கியது என்பது.16ம் நூற்றாண்டு வரை ஐரோப்பாவின் பல நாடுகளில் ஏப்ரல் 1 இலேயே புத்தாண்டு தினம் கொண்டாடப்பட்டு வந்தது.1562ம் ஆண்டளவில் பழைய ஜூலியன் ஆண்டுக் கணிப்பு முறையை மாறி புதிய கிரேகோரியன் ஆண்டுக் கணிப்பு முறையை நடைமுறைக்கு வந்தது. இதன்படி ஜனவரி 1 அன்றுதான் புத்தாண்டு ஆரம்பமாகின்றது.

April Day.png

இருப்பின் எல்லா ஐரோப்பிய நாடுகளும் இந்த காலண்டரை ஏற்றுக்கொள்ள நாட்கள் ஆனது. பிரான்சில் இந்த முறை வந்ததும் ஜனவரி புத்தாண்டு கொண்டாடிய மக்கள் ஏப்ரல் மாதம் கொண்டாடுபவர்களை முட்டாள்கள் என கிண்டலடித்தனர்.அதுவே காலப்போக்கில் முட்டாள்கள் தினமாய் மாறியதாம்.

இது சரியானதாய் இருக்க வாய்ப்பில்லை. ஏனெனின் பிரென்சு மற்றும் இங்கிலாத்தில் இந்த புத்தாண்டு முறை வரும் முன்பே முட்டாள்கள் தினம் இருந்துள்ளது. மேலும் இவை நேரடியாக வந்த வரலாறு அல்ல.மற்றவர்கள் சொல்லப்பட்டதுதான்.

கான்ஸ்டன்டைன் காலத்தில் சில முட்டாள்கள் மன்னர் நாடாள திறனற்றவர் என கூற அவர் கோபமடைந்து வேடிக்கை பார்த்துக் கொண்டிருந்த ஒருவனை ஒருநாள் அரசனாக மாற்றினார்.அந்த நாளை அன்றைய அரசர் அபத்த நாளாக பிரகடணம் செய்தார்.பின்னாளில் அது வழக்கமாயிற்று என்பது கோட்பாடு. இந்த அறிக்கை தகவல் 1983 ல் வெளியான போது பல செய்தியாளர்களால் முன்மொழியப்பட்டது. 1466ம் ஆண்டு மன்னன் பிலிப்பை அவரது அரச சபை விகடகவி, பந்தயம் ஒன்றில் வென்று மன்னனையே முட்டாளாக்கிய நாள் ஏப்ரல் முதலாம் தினம் என்றும் கூறப்படுகிறது.

ரோமர்களின் நம்பிக்கையின்படி புளூட்டோ கடவுள் பிராஸர்பினா என்ற யுவதியை பாதாள உலகிற்கு கடத்திச் சென்றதாகவும்,அவள் அழுது தன் தாயை உதவிக்கு அழைத்தாகவும், அவள் தாயோ அவளின் அழுகை சப்தத்தைக் கேட்டு இல்லாத இடத்தில் தேடியதாகவும் இந்தத் தவறான தேடுதலே முட்டாள்கள் தினம் உருவாகக் காரணம் எனவும் சொல்லப்படுகிறது. source

எனினும் எந்த வழிமுறையும் இது எப்படி உலகம் முழுவதும் ஒரே நாளில் கொண்டாடப்படும் அளவிற்கு பிரபலமானது என்பதை விளக்கவில்லை. ஆனால் அதற்கான பதிலை இயற்கை கொண்டுள்ளது.

holii

பொதுவாக ஏப்ரல் மாத தொடக்கத்தில் வசந்த/கோடை காலத்தை வரவேற்கும் விதமாக பல புராதாண நாடுகளில் விழாக்கள் கொண்டாட்டப் படுகிறது.ரோமானியர்கள் ஹிலாரியா(Hilaria) என்ற விழாவை கொண்டாடினர். Hilarity என்றால் ஆங்கிலத்தில் நகைச்சுவை.நம் நாட்டில் கோடையை வரவேற்கும் விதமாக ஒருவரை ஒருவர் ஆனந்தத்தை பகிர்ந்து ஹோலி பண்டிகையை கொண்டாடுறோம். இது ஹிரண்யகசிபு காலத்திலிருந்தே தொடர்கிறது.

உலகின் பல நாடுகளில் முட்டாள்கள் தினம் வெவ்வேறு விதமாக கொண்டாப்படுகிறது.அயர்லாந்தில் ஒரு கடிதத்தை ஒருவரிடம் கொடுத்து இன்னொருவரிடம் கொடுக்க சொல்வர்.அவர் வெறோருவரிடம் கொடுக்க சொல்வார். கடைசியில் கடிதத்தை திறந்து பார்ந்தால்,’இந்த முட்டாளை அலைய விடு’ என்றிருக்கும்.

இத்தாலி,பிரான்ஸ்,பெல்ஜியம் மற்றும் பிரஞ்சு பேசும் சுவிச்சர்லாந்து மற்றும் கனடா பகுதிகளில் இந்த விழா ஏப்ரல் மீன்(April fish) என அறியப்படுகிறது. அதாவது மட்டுபவர் முதுகில் அவருக்கே தெரியாமல் மீன் வடிவ காகிதத்தை ஒட்டி விடுவார்கள்.

மேலும் பல நாடுகளில் செய்திதாள்களிலும் வானொலியிலும் பல்வேறு கட்டுக்கதைகள் நம்பும்படி சொல்லப்பட்டு இந்த நாளில் மக்களை ஏமாற்றுவார்கள். கோடையை வரவேற்கும் விதமாக உங்கள் உடன் சேர்ந்தவர்களை கேலி கிண்டல் செய்து நீங்களும் ஏமாற்றலாம்/ஏமாறலாம். ஆனால் கிண்டலுக்கும் அவமாரியாதைக்கும் வித்தியாசத்தை அறிந்துக்கொள்ளுங்கள்.

Think You

உலகின் சிறந்த நகைச்சுவை உண்மை நிறைந்ததாக இருக்கும், அப்போதுதான் ஏமாற்றிவரின் புத்திசாலிதனம் வெளிப்படும். உதாரணம் : இந்தியாவின் தேசிய விளையாட்டு ஹாக்கி(Hockey) இல்லை.

உங்கள் நகைச்சுவை முதலில் அவர்களை சிரிக்க வைக்கட்டும். பின்னர் சிந்திக்க வைக்கட்டும்.

இந்த வருடம் வெப்பத்தின் தாக்கம் அதிகமாக இருப்பதால் ஏப்ரல் ஃபூல் சொல்லி கொண்டாடுவதற்கு பதிலாக ஏப்ரல் கூல் என கொண்டாடச் சொல்லி அறிவுறுத்துகின்றனர். அதாவது யாரைவது ஒருவரை ஏமாற்றுவதற்கு பதிலாக ஒரு மரத்தையாவது நடுங்கள் அது நம் புவியின் வெப்பத்தை குறைத்து எதிர்வரும் கோடையை சமாளிக்க உதவும்.

Leave a Comment