பாவை

நள்ளிரவு நேரம் வண்ணமயமான வானம்,

 கதிரவனோடு கை கோர்த்து பனியை

போன்ற பெண்ணொருத்தி வந்தாள்,

 
நடக்கும் பாதையில் மண் கரையாமல் இருக்க

மிதக்கும் காற்றை காலணியாக அணிந்திருந்தாலும் ,
 

அருவியாய் அணிந்த கொலுசுகள் உறக்கத்தை திருடின ,
 
வளைவுகள் கொண்ட மேனிக்கு

வளைந்து நிற்கும் வானவில் உடையை இருந்தது ,
 

அவளின் மோதிர நிலவில் நட்சத்திர கற்கள் பொதிந்துருந்தன,
 
மழை துளிகளால் மாலையாக கோர்ந்து

அவள் மணி கழுத்திலே மின்னின ,
 

பூவிலிருந்து வழிந்த தேன் அவள் உதட்டில் சாயமாய் இருந்தது ,
 

சூழ்ந்து நிற்கும் கடல் ஒன்றிணைந்து அவள் கைகளில்

வளையல்களாக சுழன்று விளையாடி கொண்டிருந்தன ,

 
மின்னலை பிடித்து மூக்கில் சிறை வைத்து

இருந்தால் மூச்சாக அல்ல மூக்குத்தியாக,
 

அசையா மலைகள் அவள் காதுகளில்

அங்கும் இங்குமாக ஊஞ்சல் ஆடி மகிழ்ந்தன ,
 

பல வண்ண மேகங்கள் அவள் மணம் வீசும்

கூந்தலில் மலர்களாக மலர்ந்திருந்தன ,

இரவு வானத்தை கண் மையாக வரைந்து ,
 

உலகை ஒரு விரலில் இழுத்து தன் நெற்றி

பொட்டில் வைத்திருந்தால், பூமியின் மீது நிலவு

வரைந்த ஓவியமாக அவள் நிழல் கூட ஒளிர்ந்தது ..

Add comment

Follow us

Don't be shy, get in touch. We love meeting interesting people and making new friends.