Image default
IPL 2020 Search

ஐபிஎல் 2020 தொடர் பெரும் எதிர்பார்ப்போடு தொடங்குகிறதா?

கிரிக்கெட் ரசிகர்கள் பெரும் எதிர்பார்ப்போடு இருப்பது வரும் ஐபிஎல் 2020 தொடரைதான்.இதற்கு ஸ்பான்சர் செய்ய பல நிறுவனங்கள் முன் நிற்கின்றனர். வரும் செப்டம்பர் 19ஆம் தேதி ஐபிஎல் கிரிக்கெட் தொடர் ஆரம்பமாகிறது. இதில் பங்கேற்பதற்காக ராஜஸ்தான் ராயல்ஸ், கிங்ஸ் லெவன் பஞ்சாப் மற்றும் கொல்கத்தா நைட் ரைடர்ஸ் அணிகள் துபாய் சென்றடைந்துள்ளன.

இவர்களுக்கு டைட்டில் ஸ்பான்சர் ஷிப் 224 கோடி கொடுத்து டிரீம் 11 எடுத்துள்ளது குறிப்பிடத்தக்கது.வீரர்கள் பல நாடுகளிலு இருந்து வருவதால் பயணத்திற்கு முன்பு வீரர்கள் அனைவருக்கும் பலமுறை கொரோனா பரிசோதனை செய்யப்பட்டது. துபாய் சென்றவுடன் 6 நாட்கள் தனிமைப்படுத்தப்பட்டுக் கண்காணிக்கப்படுவார்கள். 1, 3 மற்றும் 6 ஆகிய நாட்களில் கொரோனா பரிசோதனை நடைபெறும். அதில் தொற்று உறுதியாகாத பட்சத்தில் ஐபிஎல் குழுவினருக்காக உருவாக்கப்பட்டுள்ள மருத்துவப் பாதுகாப்பு வட்டத்திற்குள் சென்றுவிடுவார்கள்.

வீரர்கள் மற்றும் ஊழியர்களுக்கு ஐந்து நாட்களுக்கு ஒருமுறை கொரோனா பரிசோதனை கட்டாயம் என்று பிசிசிஐ தெரிவித்துள்ளது. பயணத்திற்கு முன்பாக வீரர்கள் மற்றும் ஊழியர்கள் சமூக வலைத்தளங்களில் தங்கள் புகைப்படங்களைப் பகிர்ந்து கொண்டனர். கிங்ஸ் லெவன் பஞ்சாப் அணியின் வேகப்பந்து வீச்சாளர் முகமது ஷமி, தனது இன்ஸ்டாகிராம் பக்கத்தில் ஒரு புகைப்படத்தைப் பகிர்ந்துள்ளார்.

சென்னை சூப்பர் கிங்ஸ் அணியில் ஹர்பஜன் இணைவது தாமதமாகும் நிர்வாகி தகவல்!
அதில், “நாங்கள் துபாய்க்குப் புறப்பட்டு விட்டோம்” எனக் குறிப்பிட்டுள்ளார். ராஜஸ்தான், பஞ்சாப் அணிகள் ஆகியவை துபாய் ஹோட்டல்களில் தங்கள் வீரர்கள் நுழையும் போது எடுத்த புகைப்படத்தைப் பகிர்ந்துள்ளன. மும்பை இந்தியன்ஸ், சென்னை சூப்பர் கிங்ஸ் மற்றும் ராயல் சேலஞ்சர் பெங்களூரு போன்ற அணிகள் இன்று துபாய்க்கு பயணம் மேற்கொள்ள உள்ளன.

எஞ்சியுள்ள சன் ரைசர்ஸ், டெல்லி கேபிடல்ஸ் அணிகள் இந்த வார இறுதியில் பயணம் செய்யத் திட்டமிட்டுள்ளது. துபாய், ஷார்ஜா, அபுதாபி மைதானங்களில் 53 நாட்களில் 60 போட்டிகள் நடத்தி முடிக்கப்படும். இதற்கு முன்பு 2014ஆம் ஆண்டு நாடாளுமன்றத் தேர்தல் காரணமாக ஐபிஎல் தொடர் ஐக்கிய அரபு அமீரகத்திற்கு மாற்றப்பட்டது.
தற்போது ஐபிஎல் 13ஆவது சீசன் கொரோனா காரணமாக ஐக்கிய அரபு அமீரகத்திற்கு இடம் மாறியுள்ளது. இந்தத் தொடர் செப்டம்பர் 19ல் தொடங்கி நவம்பர் 10ல் முடிய உள்ளது. ஐபிஎல் தொடரின் வரலாற்றில் முதல்முறையாக இறுதிப் போட்டியானது ஞாயிறுக் கிழமைக்குப் பதில் செவ்வாய்க் கிழமை நடைபெறும் என்று அறிவிக்கப்பட்டது.
ஹேப்பி நியூஸ்: மீண்டும் ப்ளூ ஜெர்சியில் களமிறங்கும் தல தோனி?
மதியம் மற்றும் மாலை வேளைகளில் நடைபெற உள்ள போட்டிகள் வழக்கத்தை விட 1:30 மணி நேரம் முன்கூட்டியே தொடங்க உள்ளன. பிசிசிஐ வெளியிட்ட அறிக்கையில், “ஐபிஎல் 13ஆவது சீசன் செப்டம்பர் 19ல் தொடங்கி நவம்பர் 10ல் முடியும். மொத்தம் 53 நாட்கள் நடைபெற உள்ள நிலையில் 10 போட்டிகள் மதிய வேளையில் நடத்தத் திட்டமிடப்பட்டுள்ளது. மதியம் மற்றும் மாலையில் நடைபெறும் போட்டிகள் வழக்கத்தைவிட 1:30 மணி நேரம் முன்கூட்டியே தொடங்கப்படும்” என்று தெரிவித்துள்ளது.

Related posts

20 வகை பிரதோஷங்களும் அதன் வழிபாடு பலன்களும்

Paradox

Leave a Comment